پنجاب حکومت کے عوامی مفاد میں بڑے فیصلے کورنا ختم نہیں ہوا ھمیں احتیاط کے ساتھ کاروبار کرنا ہوگا عثمان ںزدار

ایس او پیز کے تحت بڑے شاپنگ مالزکو کھولنے کا فیصلہ، پاورلومز کو کام کی اجازت ، گرجا گھروں میں اتوار کے روز عبادت کی اجازت
وزیر اعلی عثمان بزدار کا عام آدمی کو آمد و رفت کیلئے آسانیاں پیدا کرنے کےلئے بڑا اقدام، انٹرسٹی اور انٹر ڈسٹرکٹ ٹرانسپورٹ کھولنے کی اجازت
مسافروں کے لئے ٹرانسپورٹ کے کرایوں میں 20 فیصد کمی کا اعلان ، آن لائن ٹیکسی و ٹرانسپورٹ سروس کو بھی کام کرنے کی اجازت
پبلک ٹرانسپورٹ اور آن لائن ٹیکسی و ٹرانسپورٹ کو ایس او پیز پر عملدرآمد یقینی بنانا ہو گا،مسافروں ، ڈرائیوروں اور کنڈیکٹروں کےلئے ماسک پہننا لازم قرار
امیر لوگ تو گاڑیوں پر سفر کر رہے ہیں جبکہ غریب کی ٹرانسپورٹ بند ہے اور اسے آمد و رفت میں شدید مشکلات کا سامنا ہے :عثمان بزدار
کورونا کا خطرہ ختم نہیں ہوا بلکہ ہمیں مزید احتیاط کی ضرورت ہے، ہم نے اپنے لوگوں کو کورونا سے بھی بچانا ہے اور بھوک سے بھی
وزیر اعلی آفس میں کورونا کی روک تھام کے لئے قائم کابینہ کمیٹی کا خصوصی وےڈےو لنک اجلاس، کورونا وباءسے پیدا ہونے والی تازہ ترین صورتحال پر غور
لاہور16 مئی:وزیر اعلی پنجاب سردار عثمان بزدار نے عام آدمی کو سہولت دینے اور آمد و رفت کیلئے آسانیاں پیدا کرنے کے لئے انٹرسٹی اور انٹر ڈسٹرکٹ ٹرانسپورٹ کھولنے کی اجازت دے دی ہے اورمسافروں کے لئے ٹرانسپورٹ کے کرایوں میں 20 فیصد کمی کا اعلان بھی کیا ہے -وزیر اعلی عثمان بزدار نے کہا کہ وزیر اعظم عمران خان کی قیادت میں حکومت نے پٹرولیم کی مصنوعات میں خاطر خواہ کمی کی ہے اور حکومت نے پٹرولیم مصنوعات کی قیمتوں میں کمی کا فائدہ عام آدمی تک پہنچانے کیلئے اقدامات کئے ہیں اور ٹرانسپورٹ کے کرایوں میں 20 فیصد کمی سے عام آدمی کو بہت ریلیف ملے گا-وزیر اعلی عثمان بزدار نے کہا کہ پنجاب حکومت نے آن لائن ٹیکسی و ٹرانسپورٹ سروس کو بھی کام کرنے کی اجازت دینے کا فیصلہ کیا ہے تا ہم پبلک ٹرانسپورٹ اور آن لائن ٹیکسی و ٹرانسپورٹ کو وضع کردہ ایس او پیز پر عملدرآمد یقینی بنانا ہو گا -مسافروں ، ڈرائیوروں اور کنڈیکٹروں کے لئے ماسک پہننا لازم قرار دیا گیا ہے -بسوں میں سینی ٹائزر ز رکھنے کی پابندی ہو گی اور مسافروں کے درمیان ضروری فاصلہ رکھا جائے گا-وزیر اعلی عثمان بزدار نے کہا کہ امیر لوگ تو گاڑیوں پر سفر کر رہے ہیں جبکہ غریب کی ٹرانسپورٹ بند ہے اور اسے آمد و رفت میں شدید مشکلات کا سامنا ہے -انہو ںنے کہا کہ ہم نے عام آدمی کی سفری مشکلات کا احساس کرتے ہوئے انٹرسٹی و انٹر ڈسٹرکٹ ٹرانسپورٹ کھولنے کا فیصلہ کیا ہے اور اس ضمن میں سٹیئرنگ کمیٹی کی سفارشات کی منظوری دے دی گئی ہے -بس اڈوں پر بھی سماجی فاصلہ برقرار رکھنے کے لئے جاری ایس اوپیز پر عملدرآمد یقینی بنایا جائے گا- ایک مقام سے دوسرے مقام پر پہنچنے کے بعد بس کو ڈس انفیکشن کیا جائے گا- وزیراعلیٰ پنجاب سردار عثمان بزدارکی زیر صدارت آج وزیر اعلی آفس میں کورونا کی روک تھام کے لئے قائم کابینہ کمیٹی کا خصوصی وےڈےو لنک اجلاس منعقد ہوا جس میں متعدد اہم فیصلے کئے گئے- وزیر اعلی عثمان بزدار نے کہا کہ پنجاب حکومت نے بڑے شاپنگ مالزکو بھی ایس او پیز کے تحت کھولنے کا فیصلہ کیا ہے جبکہ پاورلومز کو بھی کام کی اجازت دے دی گئی ہے ،تا ہم اس ضمن میں محکمہ صنعت کو جاری کردہ ایس او پیز پر عملدرآمد یقینی بنانے کے لئے اقدامات کرنا ہو ں گے- وزیر اعلی عثمان بزدار نے کہا کہ پنجاب حکومت نے ایس او پیز کے تحت گرجا گھروں میں اتوار کے روز عبادت کی اجازت دینے کا فیصلہ کیا ہے -وزیر اعلی عثمان بزدار نے کہا کہ کورونا کا خطرہ ختم نہیں ہوا بلکہ ہمیں مزید احتیاط کی ضرورت ہے لیکن ہم نے اپنے لوگوں کو کورونا سے بھی بچانا ہے اور بھوک سے بھی – شہریوں سے اپیل ہے کہ وہ ذمہ داری کا مظاہرہ کریں – وزیر اعلی نے کہا کہ پنجاب میں کورونا سے متاثرہ مریضوں کی تعداد 14201 ہے اور اب تک پنجاب حکومت تقریبا ایک لاکھ 58 ہزار ٹیسٹ کر چکی ہے – 24 گھنٹے کے دوران 5953 ٹیسٹ کئے گئے ہیں – پنجاب میں ہوم آئسو لیشن کی اجازت دی جا چکی ہے – وزیر اعلی عثمان بزدار نے کہا کہ جمعة الوداع ، یوم القدس اور عید کے حوالے سے علیحدہ حکمت عملی مرتب کی جائے اور اس ضمن میں اگلے ہفتے حتمی پلان پیش کیا جائے – اجلاس میں کورونا وباءسے پیدا ہونے والی تازہ ترین صورتحال پر غور کیاگیا-اجلاس میں کورونا وباءکی روک تھام کےلئے کےے جانے والے حکومتی اقدامات کا جائزہ لیاگیا-ہسپتالوں میں زیر علاج مریضوں کو فراہم کی جانے والی سہولتوں پر بھی غور کیا گیا-لاک ڈا¶ن میں نرمی کے بعد بازاروں اور مارکیٹوں میں ایس او پیز پر عملدرآمد کے حوالے سے اقدامات کا بھی جائزہ لیا گیا-صوبائی وزراءراجہ بشارت، ڈاکٹر یاسمین راشد، میاں اسلم اقبال، فیاض الحسن چوہان ، چیف سکرٹری،انسپکٹر جنرل پولےس،سےنئر ممبر بورڈ آف ریونیو، ایڈیشنل چیف سیکرٹری داخلہ ،کمشنر لاہورڈویژن،سیکرٹری خزانہ،سیکرٹری سپیشلائزڈ ہیلتھ کیئر اینڈ میڈیکل ایجوکیشن ،سکرٹری پرائمری و سکینڈری ہلتھ،سیکرٹری صنعت،سےکرٹری اطلاعات اورمتعلقہ حکام نے اجلاس میں شرکت کی ٭٭٭٭

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow