سرکاری کالجوں کے 246 لیکچرار نوکریوں سے غیر حاضر

سرگودھا(محمد تہور بلال اصغر سے )سرکاری کالجوں کے 246 لیکچررز کےپانچ سال سے مفرور ہونے کا انکشاف ہوا، 28 جولائی تک اساتذہ کی تفصیلات جمع نہ ہوئیں تو انھیں نوکریوں سے فارغ کر دیا جائے گا۔تفصیلات کےمطابق سرگودھا سمیت صوبے بھر کے سرکاری کالجوں میں نئے معاملے نے سر اٹھالیا،اچانک اتنی بڑی تعداد میں اساتذہ کا غائب ہونا سمجھ سے باتر ہے،کورونا لاک ڈاؤن کے باعث تعلیمی ادارے بند ہیں،نظام تعلیم جاری رکھنے کے لئے آن لائن کلاسز کا اجراٗء کیا گیا تاکہ سکول، کالجز کھولنے سے قبل طلباء کو سلیبس کا کچھ پتہ ہو،اس سلسلے میں اساتذہ پر ذمہ داریاں عائد کیں گئیں کہ وہ آن لائن کلاسز لیں اور باقاعدگی کے ساتھ کورس میں طلباء کی مدد کریں تاکہ بعد میں کوئی پیچیدہ مسئلہ نہ ہو۔مگر سرکاری کالجز کے حوالے سےایک ایسی خبر سامنے آئی جس سے طلباء کا مستقبل بھی خطرے میں پڑگیا۔سرگودھا سمیت صوبے کےسرکاری کالجز کے 246 لیکچررز کے مفرور ہونے کا انکشاف ہوا،لیکچررزمحکمہ کو اطلاع کیے بغیر 5 سال سے مفرور ہیں،ڈی پی آئی کالجز نے مفرور اساتذہ کی فہرست جاری کر دی،ڈویژن کے ڈائریکٹر نے کالجز کو مفرور اساتذہ کو تلاش کی ہدایت کردی جبکہ ڈائریکٹر کالجز کو 28 جولائی تک تفصیلات جمع کرانے کی ہدایت ہے۔ڈی آئی پی کا کہناتھا کہ لیکچررز مفرور ہونے سے پرموشن کیسز میں مسائل کا سامنا ہے،مفرور اساتذہ کی تفصیلات نہ ملنے پرفارغ کیا جائے گا۔

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow